Tá Próifíl 3 - Líonta Tí, Teaghlaigh agus Cúram Leanaí Dhaonáireamh 2022 eisithe ag an bPríomh-Oifig Staidrimh inniu (31 Lúnasa 2023). Caitear súil i bPróifíl 3 ar chásanna teaghlaigh agus ar shocruithe maireachtála an daonra agus ar chineálacha agus méideanna éagsúla comhdhéanaimh teaghlach agus líonta tí. Tá mionsonraí ar shocruithe cúraim leanaí (ar cheist nua í sin ar fhoirm Dhaonáireamh 2022) ar fáil sa tuarascáil seo.
Tarraingítear aird sa phreasráiteas seo ar roinnt de na príomhathruithe ar Luimneach. Tá liosta iomlán de phreasráitis na gcontaetha ar fáil.
| Kathleen Goulding | (+353) 1 895 1413 |
|---|---|
| Tony Downes | (+353) 1 895 1319 |
| R-phost | censuspublicity@cso.ie |
| R-phost | pressoffice@cso.ie |
-- CRÍOCH --
Trácht an Staitisteora
Ag trácht di ar na torthaí, dúirt Deirdre Lynch, Staitisteoir i Rannóg an Daonáirimh:
“Taispeántar i bPróifíl 3 an chaoi a bhfuil teaghlaigh agus socruithe maireachtála na hÉireann á bhforbairt agus á n-athrú. Caitear súil ar na hathruithe a tháinig ar líon na dteaghlach a bhfuil clann acu nó nach bhfuil clann acu agus ar líon na lánúineacha comhghnéis. Léirítear sna torthaí go bhfuil méadú tagtha ar an líon teaghlach ach go bhfuil laghdú de bheagán tagtha ar an meánlíon leanaí in aghaidh an teaghlaigh, cé nach raibh aon athrú air sin sa dá dhaonáireamh roimhe seo. Áirítear sa phróifíl seo freisin den chéad uair riamh sonraí ar an líon leanaí faoi 15 bliana d’aois atá i gcúram leanaí chomh maith leis na cineálacha cúraim leanaí agus an líon uaireanta a freastalaíodh.”
Torthaí do Luimneach
Teaghlaigh
Bhí 50,143 teaghlach i Luimneach in Aibreán na bliana 2022, is ardú é sin ó 49,584 (+1%) in 2016. Ba é 1.32 an meánlíon leanaí in aghaidh an teaghlaigh sa chontae, i gcomparáid le 1.34 ar bhonn náisiúnta.
I measc theaghlaigh Luimnigh, bhí 22,239 lánúin phósta ann a raibh clann acu agus bhí 3,208 lánúin in aontíos ann a raibh clann acu. Bhí 7,367 teaghlach eile ann a raibh clann acu agus a raibh máthair shingil i bhfeighil orthu agus bhí 1,444 teaghlach ann a raibh athair singil i bhfeighil orthu. Bhí 12,404 lánúin phósta ann freisin nach raibh clann acu agus bhí 3,391 lánúin in aontíos nach raibh clann acu.
Tháinig méadú suas go 303 ar líon na lánúineacha comhghnéis i Luimneach in Aibreán 2022 i gcomparáid le 207 in 2016. Go náisiúnta, bhí 10,393 lánúin chomhghnéis ann.
Bhí 11,564 teaghlach i gcóiríocht ar cíos sa chontae (23%). Laghdú 3% a bhí ansin ar an mbliain 2016.
Líonta tí príobháideacha agus Maireachtáil Aonair
B’ionann meánmhéid an lín tí i Luimneach in Aibreán na bliana 2022 agus 2.70 duine. Bhí sé sin faoin meán náisiúnta 2.74 duine.
Tháinig méadú ó 17,624 go 18,313 ar an líon daoine atá ina gcónaí leo féin sa chontae, sin méadú 4% ó bhí Daonáireamh 2016 ann.
31,872 duine a bhí 65 bliain d’aois agus níos sine a bhí ina gcónaí sa chontae in Aibreán 2022. Astu sin, bhí 8,311 duine ina gcónaí leo féin. Ba mhéadú 21% é sin ar na daoine sin a bhí 65 bliain d’aois agus níos sine agus a bhí ina gcónaí leo féin.
Daoine Fásta atá ina gCónaí lena dTuismitheoirí
In Aibreán 2022 i Luimneach, bhí 20,702 duine fásta, nó 13% de na daoine ar fad a bhí 18 mbliana d’aois agus níos sine sa chontae, fós ina gcónaí lena dtuismitheoirí. Ba mhéadú 1,744 (9%) é seo ó 2016 i leith.
Go náisiúnta, bhí 522,486 duine fásta a bhí 18 mbliana d’aois agus níos sine ina gcónaí lena dtuismitheoirí (13%).
Tríd is tríd, cúramóirí gan íocaíocht a bhí i mbeagnach 25,000 duine fásta a bhí ina gcónaí lena dtuismitheoirí. Cúramóirí gan íocaíocht iad 1,050 (5%) duine acu i Luimneach.
In 2022, ba é 24 bliain d’aois an aois ab óige nach raibh formhór na ndaoine go náisiúnta ina gcónaí lena dtuismitheoirí. Ardú a bhí ansin ó 23 bliain d’aois in 2011. 26 bliain d’aois a bhí ann i Luimneach.
As na daoine fásta ar fad a bhí ina gcónaí lena dtuismitheoirí go náisiúnta in 2022, fireannaigh a bhí in 57% acu. Fireannaigh a bhí in 57% acu i Luimneach.
Bhí beaghnach duine amháin as gach seachtar duine fásta (15%) i dToghlimistéar Áitiúil na Ceapaí Móire-Chill Mocheallóg ina chónaí lena dtuismitheoirí in Aibreán 2022, an ráta ab airde sa chontae.
Cúram Leanaí
Bhí 39,474 leanbh (faoi 15 bliana d’aois) ina gcónaí i Luimneach in Aibreán 2022. Sin 120 leanbh níos lú ná mar a bhí ann in 2016.
Go náisiúnta bhí 1,012,287 leanbh a bhí faoi 15 bliana d’aois (méadú 5,735 ó 2016 i leith). Bhí beagnach leanbh amháin as gach triúr – 331,783 - i gcúram leanaí de chineál éigin. I Luimneach, bhí 12,568 (32%) de na leanaí sin a bhí faoi 15 bliana d’aois i gcúram leanaí.
Bhí 5,315 leanbh in crèche/Montessori/grúpa súgartha/seirbhís iarscoile sa chontae (42%). Bhí díreach os cionn aon leanbh amháin as gach ceathrar leanbh (3,306) ag fáil aire ó dhuine muinteartha nó ó dhuine den teaghlach nach bhfaigheann íocaíocht. Bhí 2,338 leanbh eile (19%) ag fáil aire ó fheighlí leanaí (i dteach an fheighlí leanaí).