Daonáireamh 2022 Próifíl 4 - Daoine le Míchumas, Sláinte agus Cúramóirí

• In 2022, luaigh 1,109,557 duine go raibh riocht nó deacracht fhadtéarmach d’aon leibhéal ag gabháil dóibh, sin 22% den daonra iomlán.

• Astu sin, bhí 407,342 duine (8% den daonra) a raibh riocht nó deacracht fhadtéarmach ag gabháil go mór dóibh.

• Thug an 702,215 duine eile (14% den daonra) le fios go raibh riocht nó deacracht fhadtéarmach ag gabháil dóibh go pointe áirithe.

• In 2022, luaigh 83% den daonra go raibh sláinte an-mhaith nó go maith acu, sin laghdú 4 pointe céatadáin le hais 2016.

• I gCathair Bhaile Átha Cliath, bhí sláinte an-mhaith nó go maith ag 449,248 duine, sin 76% de dhaonra an cheantair agus an sciar is lú in aon údarás áitiúil.

• I nDún Laoghaire-Ráth an Dúin, bhí sláinte an-mhaith nó go maith ag 206,240 duine, sin 88% de dhaonra an cheantair agus an sciar is mó in aon údarás áitiúil.

• In 2022, bhí 86,972 cúramóir gan phá ag tabhairt cúraim ar feadh 43 uair nó níos mó in aghaidh na seachtaine, sin 29% den iomlán cúramóirí gan phá.

• Lena hais sin, in 2016 bhí 41,185 cúramóir gan phá ag tabhairt cúraim ar feadh 43 uair nó níos mó in aghaidh na seachtaine, sin 21% den iomlán cúramóirí gan phá ag an am.