Acmhainní Ardteistiméireachta

Ardteistiméireacht 2026: Tionscadal Taighde Eacnamaíochta

Achoimre ar Staidéar ar Eacnamaíocht 2026

Topaic Thaighde 1

Tá ar na hiarrthóirí gné ar leith a fhiosrú agus anailís a dhéanamh agus meas a thabhairt ar an tionchar atá tar éis a bheith ag tuairt gheilleagrach sheachtrach amháin a bhí ann le déanaí (ó bhí 2020 ann) ar theacht aniar eacnamaíoch na hÉireann faoin dá cheannteideal seo a leanas:

• Déan anailís agus tabhair meas ar impleachtaí eacnamaíocha na tuairte geilleagraí seachtraí ar ghnólacht nó ar ghnólachtaí in Éirinn i gceann amháin de na hearnálacha seo a leanas:
  — An earnáil agraibhia
  — An earnáil fuinnimh
  — An earnáil teicneolaíochta faisnéise agus cumarsáide (TFC)
  — An earnáil cógaisíochta
• Déan anailís agus tabhair meas ar an gcaoi a bhfuil laigí nochta ag do rogha tuairt sheachtrach i dteacht aniar eacnamaíoch bheartas eacnamaíoch rialtas na hÉireann.

Topaic Thaighde 2

Tá ar na hiarrthóirí gné ar leith a fhiosrú agus anailís a dhéanamh agus meas a thabhairt ar an tionchar atá tar éis a bheith ag tuairt gheilleagrach sheachtrach amháin a bhí ann le déanaí (ó bhí 2020 ann) ar iompraíocht tomhaltóirí in Éirinn agus ar inbhuanaitheacht fhioscach na hÉireann faoin dá cheannteideal seo a leanas:

• Déan anailís agus tabhair meas ar impleachtaí eacnamaíocha na tuairte geilleagraí seachtraí ar iompraíocht tomhaltóirí i gceann amháin de na réimsí seo a leanas:
  — Caiteachas tomhaltóirí ar fhuinneamh
  — Caiteachas tomhaltóirí ar bhia
  — Caiteachas tomhaltóirí ar thithíocht (íocaíochtaí cíosa iarbhír san áireamh)
• Déan anailís agus tabhair meas ar na himpleachtaí atá tar éis a bheith ag tacaíochtaí ó rialtas na hÉireann le teaghlaigh i ndiaidh na tuairte ar inbhuanaitheacht fhioscach na hÉireann.

Tá liosta d'acmhainní na Príomh-Oifige Staidrimh atá ábhartha d'achoimrí an tionscadail foilsithe anseo: 

Cuntais Idirnáisiúnta 

• Cuimsíonn foilseachán na gCuntas Idirnáisiúnta staidreamh Chomhardú na nÍocaíochtaí Idirnáisiúnta (BOP) [EN], an Staid Infheistíochta Idirnáisiúnta, agus an Fhiachais Sheachtraigh. Tugtar ráiteas ann faoi shreafaí eacnamaíocha na hÉireann leis an gcuid eile den domhan agus faoi stoic sócmhainní agus dliteanas airgeadais eachtrach na hÉireann. 
• Déantar achoimrí ar Chuntais Reatha agus Chaipitil [EN] (lena n-áirítear onnmhairí agus allmhairí marsantais agus seirbhísí) a tháirgeadh go ráithiúil, chomh maith le cuntais leis an Ríocht Aontaithe agus leis na Stáit Aontaithe. [EN]
• Tá sonraí maidir le Trádáil Idirnáisiúnta Seirbhísí [EN] ar fáil gach bliain freisin.  

Táblaí PxStat: Bliantúla, Ráithiúla

Trádáil Sheachtrach in Earraí 

• Le staidreamh maidir le hOnnmhairí agus Allmhairí Earraí [EN] soláthraítear sonraí maidir le gluaiseacht earraí idir tíortha. Soláthraíonn na heisiúintí trádála míosúla [EN] agus bliantúla [EN] anailís mhionsonraithe ar onnmhairí earraí ó Éirinn agus allmhairí earraí isteach go hÉirinn ag leibhéal na tíre agus na dtráchtearraí (maith).  
• Áirítear san fhoilseachán míosúil freisin figiúirí trádála a bhfuil coigeartú de réir séasúir déanta orthu.  

Táblaí PxStat

Cúiteamh d'Fhostaithe 

• Is ionann Cúiteamh d'Fhostaithe (COE) [EN] agus íocann fostóirí lena bhfostaithe mar mhalairt ar obair a dhéantar. Áirítear leis pá agus tuarastail agus ranníocaíochtaí sóisialta fostóirí.  
• I bhfoilseachán na gCuntas Náisiúnta Bliantúil [EN], tá faisnéis faoi chomhpháirteanna OTI, lena n-áirítear COE, le fáil sa chaibidil OTI de réir Ioncaim. [EN] Sna Cuntais Náisiúnta Ráithiúla, [EN] is é an chaibidil ábhartha 'Cúiteamh d'Fhostaithe'[EN]. 
• Táblaí PxStat: NA004, NA005,  NA018

Suirbhé ar Ioncam agus Dálaí Maireachtála

• Is é an Suirbhé ar Ioncam agus Dálaí Maireachtála (SILC) [EN] an fhoinse oifigiúil sonraí ar ioncam teaghlaigh agus ar ioncam aonair, agus soláthraíonn sé roinnt príomhtháscairí náisiúnta bochtaineachta, amhail an ráta riosca bochtaineachta, an ráta díothachta forfheidhmithe, agus an ráta bochtaineachta comhsheasmhach.   
• Tugann SILC léargas breise freisin ar thionchar na ndúshlán atá os comhair shochaí na hÉireann — mar shampla, tionchar thacaíochtaí ioncaim COVID-19 agus tionchar na mbeart costais mhaireachtála ar ioncam agus ar rátaí bochtaineachta.  
• Tá tionchar na mbeart costais mhaireachtála ar rátaí bochtaineachta de réir stádas sláinte féinbhraite ar fáil freisin. 
• Chomh maith le SILC, d'fhoilsigh an Rannán Tomhaltas Ioncaim agus Saibhreas sraith eisiúintí a rinne imscrúdú ar thionchar sóisialta COVID-19. [EN]

Táblaí PxStat 

Suirbhé Buiséid an Líon Tí (HBS) 

• Is é príomhchuspóir an tSuirbhé Buiséid an Líon Tí (HBS) [EN] a chinntiú go leanann an tInnéacs Praghsanna do Thomhaltóirí (CPI), an tomhas oifigiúil boilscithe, de bheith bunaithe ar chaiteachas teaghlaigh atá cothrom le dáta agus cruinn. Úsáidtear na sonraí a bhailítear sa HBS chun an costas maireachtála in Éirinn a thomhas. Is é HBS 2022-2023 [EN] an eisiúint is déanaí a foilsíodh. 

Táblaí PxStat 

Aschur, Ionchur & Ioncam i dTalmhaíocht agus i gCuntas Talmhaíochta 

• Soláthraítear leis an eisiúint Aschur, Ionchur & Ioncam sa Talmhaíocht [EN] meastacháin mhionsonraithe ar mhórmhíreanna cuntas talmhaíochta amhail aschuir, costais ionchuir, oll-bhreisluach agus glan-bhreisluach, agus barrachas oibriúcháin.  

Táblaí PxStat 

Fuinneamh 

• Foilsíonn an Phríomh-Oifig Staidrimh sonraí méadraithe faoi ídiú leictreachais agus gáis [EN] gach bliain, a thugann eolas faoi leibhéil tomhaltais intíre agus gnó araon.  
• Táirgeann an Phríomh-Oifig Staidrimh sonraí méadraithe faoi bhillí leictreachais agus gáis [EN] gach bliain freisin. 
• Foilsítear Imréiteach Freachnaimh Breosla [EN] go míosúil agus tá sonraí ann maidir le méideanna breosla le haghaidh iompair, chomh maith le costais fuinnimh i sonraí an Táscaire Praghsanna Mórdhíola (WPI). 

Táblaí PxStat: Ídiú Méadraithe Leictreachais, Treochtaí i mBillí Leictreachais agus Gáis, Imréitigh Máil ar Bhreoslaí

Staidreamh Fiontraíochta 

• Tugann an tsraith Gnó in Éirinn [EN] de chuid na Príomh-Oifige Staidrimh léargas cuimsitheach ar ghníomhaíocht eacnamaíoch agus ar fheidhmíocht gnólachtaí in Éirinn le himeacht ama. 

Miondíol agus Seirbhísí 

• Déanann an tInnéacs Seirbhísí Míosúla (MSI) faireachán ar threochtaí gearrthéarmacha in aschur fiontar in earnáil na seirbhísí neamhairgeadais a thrádáiltear. Léirítear san fhoilseachán míosúil innéacsanna luacha agus méideanna arna gcoigeartú go séasúrach don Innéacs Seirbhíse Míosúil. Cuireann sé béim ar fheidhmíocht na hearnála Faisnéise agus Cumarsáide.  

Tábla PxStat: MSA03

Tionsclaíocht 

• Déanann Táirgeadh agus Láimhdeachas Tionsclaíoch (IPT) [EN] ar mhéid táirgeachta agus luach láimhdeachais na n-aonad áitiúil tionsclaíoch. Táirgeann an suirbhé dhá phríomhinnéacs: an t-innéacs táirgeachta míosúil agus an t-innéacs láimhdeachais míosúil. Tugann gach eisiúint mhíosúil léargas ar fheidhmíocht na hearnála nua-aimseartha domhandaithe, a chuimsíonn na tionscail Cheimiceacha, Chógaisíochta, agus Ríomhaireachta & Leictreonacha.   

Táblaí PxStat:  MSM01, MIA05

Caiteachas ar Thomhaltas Pearsanta 

• Taispeánann na Cuntais Náisiúnta Bhliantúla (ANA) [EN] staid gheilleagar na hÉireann trí tháscairí eacnamaíocha éagsúla a fhoilsiú, lena n-áirítear roinnt beart tomhaltais, amhail Caiteachas ar Thomhaltas Deiridh (FCE) na dTeaghlach [EN], cuid de Chaiteachas ar Thomhaltas Pearsanta (PCE) [EN].  
• Mar chuid de na heisiúintí sin, foilsítear figiúirí eile a bhaineann le tomhaltas freisin, amhail táirgeadh margaidh arna cheannach ag an rialtas do theaghlaigh. 
• Déantar figiúirí a tháirgeadh go bliantúil ar leibhéal gráinneach i dtéarmaí an Aicmithe ar Thomhaltas Aonair de réir Cuspóra (COICOP), córas aicmithe idirnáisiúnta ar chaiteachas teaghlaigh.  

Táblaí PxStat: NA022, NA023

Tithíocht 

• Cuireann an Mol Tithíochta [EN] faisnéis ar fáil maidir le tithíocht in Éirinn, lena n-áirítear praghsanna réadmhaoine [EN] agus praghsanna cíosa. [EN] Tá faisnéis maidir le híocaíochtaí cíosa iarbhír agus íocaíochtaí cíosa barúlacha [EN] ar fáil freisin trí na heisiúintí PCE a luadh roimhe seo. 

Táblaí PxStat 

Praghsanna do Thomhaltóirí 

• Tá an tInnéacs Praghsanna do Thomhaltóirí (CPI) [EN] ceaptha chun an t-athrú ar mheánleibhéal na bpraghsanna (lena n-áirítear gach cáin indíreach) a íocann gach teaghlach príobháideach agus institiúideach sa tír agus turasóirí ón gcoigríoch atá ar saoire in Éirinn as earraí agus seirbhísí tomhaltais a thomhas. Is fo-thacar de CPI é an tInnéacs Comhchuibhithe Praghsanna do Thomhaltóirí (ICPT) agus fágann sé gur féidir comparáid a dhéanamh idir athruithe ar phraghsanna ar fud an Aontais agus i dtíortha an limistéir euro. 
• Is féidir na hualaí don Innéacs Praghsanna do Thomhaltóirí a fháil ar leathanach na ndoiciméad modheolaíochta [EN] agus léargas a thabhairt ar phatrúin chaiteachais athraitheacha na an líon tí le himeacht ama agus ar an gcaoi a gcuireann míreanna éagsúla leis an ráta boilscithe foriomlán. 

Táblaí PxStat 

Tacaíochtaí Rialtais 

• Foilsíonn an Phríomh-Oifig Staidrimh Staitisticí Airgeadais an Rialtais ar bhonn ráithiúil [EN] agus bliantúil [EN]. Áirítear leis na heisiúintí sin staidreamh amhail caiteachas agus fiachas. Soláthraíonn eisiúintí Caiteachas Cosanta Sóisialta [EN] faisnéis bhliantúil ar chaiteachas sóisialta iomlán agus miondealuithe de réir feidhme.  

Táblaí PxStat 

Margadh Saothair agus Tuilleamh

Foilsítear roinnt eisiúintí maidir leis an Margadh Saothair [EN], Suirbhé ar an Lucht Saothair, an Beochlár [EN], agus Dífhostaíocht Mhíosúil [EN] ina measc. Ina theannta sin, foilsítear eisiúintí maidir le Tuilleamh [EN], mar shampla, Tuilleamh agus Costais Saothair [EN] agus staitisticí ar Fholúntais Poist [EN].

Táblaí PxStat QLF07, QES01

Liosta Acmhainní Tionscadail de réir téama

Chun liosta coimrithe de na hacmhainní ar fad de réir téama tionscadail a fháil, féach ar an tábla thíos.