Chuir an Phríomh-Oifig Staidrimh (CSO) fáilte roimh aighneachtaí ar ábhar na foirme do Dhaonáireamh 2027 idir an 30 Samhain 2022 agus an 20 Eanáir 2023. Fuarthas níos mó ná 400 aighneacht. Ba mhaith leis an bPríomh-Oifig Staidrimh buíochas a ghabháil le gach duine a chuir aighneacht isteach.
Thionóil an Phríomh-Oifig Staidrimh Grúpa Comhairleach Daonáirimh a chas le chéile i Meitheamh na bliana 2023 chun na haighneachtaí a phlé. Ar an ngrúpa sin tá ionadaithe ó ranna Rialtais, comhlachtaí poiblí, comhpháirtithe sóisialta, institiúidí taighde agus pearsanra ón bPríomh-Oifig Staidrimh. Tá sé de shainchúram ag an ngrúpa sin cuidiú leis an bPríomh-Oifig Staidrimh ceistneoir Dhaonáireamh 2027 a chur le chéile. Bunaíodh roinnt foghrúpaí tar éis an chéad chruinnithe chun aighneachtaí a mheas go mion.
Rinne na foghrúpaí roinnt moltaí a cuireadh i láthair ag an dara cruinniú den CAG i mí Feabhra 2024. Ag an gcruinniú seo chinn an CAG ar na ceisteanna a bhí le tástáil sa Phíolótach Daonáirimh a reáchtáladh i Meán Fómhair 2024. Nuair a dhéanfar anailís ar na torthaí, tiocfaidh an grúpa le chéile arís chun na torthaí a phlé agus chun ábhar deiridh cheistneoir Daonáirimh 2027 a mholadh. Cuirfear na moltaí sin faoi bhráid an rialtais chun an cinneadh deiridh ar ábhar an cheistneora a dhéanamh.
Glacfaidh an Grúpa Comhairleach Daonáirimh na nithe seo a leanas san áireamh nuair a bheidh siad ag cinneadh cé na ceisteanna a bheidh le tástáil sa suirbhé Píolótach:
Torthaí an Chomhairliúcháin
Foilseofar tuarascáil ar an suirbhé Píolótach agus ar chonclúidí an Ghrúpa Chomhairligh Daonáirimh ar láithreán gréasáin na Príomh-Oifige Staidrimh í Samhraidh 2025. Beidh ábhar deiridh cheistneoir Dhaonáireamh 2027 faoi réir fhaomhadh an Rialtais.
Acmhainní Úsáideacha
cóip d’fhoirm dhaonáireamh 2022 (PDF 4,555KB)
Foirm Suirbhé Píolótach Daonairimh 2024