Tá na staitisticí a fhoilsímid maidir le hÉireann neamhspleách agus iontaofa—toisc gur inis sibh dúinn iad.
Tugann an t-eolas a thugann tú dúinn léargas an-chruinn dúinn ar a bhfuil i gceist le bheith ag maireachtáil in Éirinn, sa lá atá inniu ann—ár saol, ár ngeilleagar, ár sláinte, ár n-oideachas, ár sonas agus ár bhfolláine.
Suirbhé deonach bliantúil is ea Suirbhé Sláinte na hÉireann a bhfuil sé mar aidhm aige sláinte daoine in Éirinn a thomhas go cruinn. Úsáidtear an t-eolas a fhaigheann muid go díreach uait trí Shuirbhé Sláinte na hÉireann chun polasaí a chruthú, eolas a thabhairt ar conas ba cheart maoiniú reatha a leithdháileadh, agus seirbhísí sláinte a chur ar fáil nuair is mó a bhíonn gá leo. Úsáideann daoine aonair, eagraíochtaí agus carthanachtaí neamhrialtasacha, údaráis áitiúla, agus an rialtas náisiúnta na staitisticí sláinte a chuireann muid ar fáil chun na cinntí sin a threorú.
Is í an Phríomh-Oifig Staidrimh oifig náisiúnta staidrimh na hÉireann, agus is é an cuspóir atá againn ná staitisticí agus léargais faoi dhaoine, sochaí agus geilleagar na hÉireann a bhailiú, a anailísiú agus a fhoilsiú go neamhchlaonta. Bailíonn muid sonraí faoin Acht Staidrimh, 1993 chun staitisticí oifigiúla a chur ar fáil a bhailítear agus a fhíoraítear go neamhspleách agus is féidir iad a úsáid chun eolas a dhéanamh do chinnteoireacht i ngach gné dár sochaí. Déanann an Phríomh-Oifig Staidrimh suirbhéanna ar líonta tí agus ar ghnó i rith na bliana, chomh maith leis an daonáireamh, agus ní féidir aon duine, líon tí ná gnó a aithint ó na sonraí a fhoilsíonn muid. Tá muinín sa Phríomh-Oifig le 75 bliain agus beidh go ceann blianta fada eile chun staitisticí beachta agus indeimhnithe faoi shaol agus faoi shochaí na hÉireann a chur ar fáil. Tá cosaint rúndachta sonraí ag croílár gach rud a dhéanann muid. Is féidir tuilleadh a fháil amach faoin bhfáth a bhfuil muinín agat sa Phríomh-Oifig Staidrimh sa rannóg Muinín & Trédhearcacht dár suíomh gréasáin.
Tá ceisteanna ar ábhair éagsúla sláinte sa suirbhé, lena n-áirítear:
Déanfar Suirbhé Sláinte na hÉireann gach bliain. Roghnófar rannpháirtithe go randamach gach bliain agus d’fhéadfaí tú a roghnú go randamach chun páirt a ghlacadh arís sna blianta atá amach romhainn.
Ní féidir iarraidh ar gach duine sa tír páirt a ghlacadh, mar sin roghnaíonn an Phríomh-Oifig Staidrimh daoine ón phobal go randamach trí úsáid a bhaint as modh staitistiúil. Déanann tú ionadaíocht ar dhaoine eile nár roghnaíodh, agus is é sin an fáth go bhfuil sé tábhachtach go nglacfaidh tú páirt ann.
Roimhe seo, níor bhailigh Suirbhé Sláinte na hÉireann ach sonraí faoi shláinte daoine a bhí 15 bliana d’aois agus níos sine. Tá ceistneoir gairid curtha san áireamh anois chun ceisteanna a bhaineann le sláinte do pháiste a chur ort. Cuirfidh an t-eolas a fhaigheann muid go díreach uait faoi shláinte do pháiste sonraí riachtanacha ar fáil faoi shláinte páistí in Éirinn, agus cabhróidh sé seo le lucht déanta polasaí agus iad ag déanamh cinntí a théann i bhfeidhm ar shaol páistí agus daoine óga in Éirinn.
Níl sé éigeantach páirt a ghlacadh, ach spreagtar daoine chun páirt a ghlacadh. Má roghnaíonn tú gan páirt a ghlacadh, ní féidir linn duine eile a roghnú chun teacht i d’áit. Ní mór dúinn an oiread daoine agus is féidir a fháil chun páirt a ghlacadh lena chinntiú go léiríonn na sonraí a bhailítear sláinte gach duine in Éirinn.
Ní féidir suirbhé a dhéanamh ar gach duine sa phobal. Sin é an fáth a roghnaíonn muid daoine ón phobal go randamach, a dhéanann ionadaíocht do dhaoine eile nár roghnaíodh. Ní féidir linn glacadh le daoine atá ag iarraidh páirt a ghlacadh mar ní fhéadfaimis a bheith cinnte go mbeadh na sonraí sin ag déanamh ionadaíochta do phobal iomlán na hÉireann.
Ná bí buartha mura bhfuil tú in ann suirbhé ar líne a dhéanamh. Le bealaí eile a phlé chun an suirbhé seo a dhéanamh, is féidir leat glaoch orainn ar 021 453 5110 nó ríomhphost a chur chugainn ag CSOTakePart@cso.ie.
Bunluach de chuid na Príomh-Oifige Staidrimh is ea rúndacht. Tá foireann iomlán na Príomh-Oifige Staidrimh ainmnithe ina nOifigigh Staidrimh faoi Alt 20(a) den Acht Staidrimh, 1993. Ciallaíonn sé sin go bhfuil ceanglas dlí ar gach ball foirne rúndacht na sonraí a bhfuil rochtain acu orthu a chaomhnú. Ní roinneann an Phríomh-Oifig Staidrimh aon sonraí pearsanta óna bhféadfaí daoine a aithint le haon tríú páirtí. Tá do chuid sonraí agus do rúndacht faoi chosaint an dlí. I gcásanna teoranta, roinntear sonraí le taighdeoirí faofa faoi choinníollacha dochta ar bhealach ina gcosnaítear aitheantais. Ní úsáidimid do chuid sonraí ach chun críocha staidrimh amháin. Ciallaíonn sé sin go mbainfidh muid amach gach eolas a bhaineann leat amhail d’ainm, ainm do pháiste agus do sheoladh baile. Baineann muid úsáid as eolas ginearálta amhail an ceantar ginearálta ina gcónaíonn tú, m.sh. Baile Átha Cliath, inscne, aois, agus ansin déanann muid na sonraí seo a ghrúpáil (comhiomlán) ionas nach féidir aon duine a aithint ó na sonraí a chuirtear ar fáil.
Chomh maith leis na cosaintí dlíthiúla dochta san Acht Staidrimh, 1993, ní mór don Phríomh-Oifig Staidrimh a chinntiú go gcomhlíontar na ceanglais maidir le cosaint sonraí sa Rialachán Ginearálta maidir le Cosaint Sonraí (RGCS) agus san Acht um Chosaint Sonraí, 2018. Is féidir an Fógra Trédhearcachta um Chosaint Sonraí don suirbhé a fháil ar ár suíomh gréasáin.
Ní bheifear, tá an suirbhé seo deartha ionas nach féidir thú a aithint ó do chuid freagraí. Láimhseáiltear an t-eolas ar fad a bhailíonn an Phríomh-Oifig Staidrimh mar eolas rúnda.
Bailíonn an Phríomh-Oifig Staidrimh sonraí teagmhála ó réimse leathan foinsí, ó shuirbhéanna sóisialta agus ó fhoinsí sonraí staitistiúla a cuireadh ar fáil dúinn faoin Acht Staidrimh, 1993. Stóráiltear na sonraí go léir a bhailíonn agus a úsáideann an Phríomh-Oifig Staidrimh go slán agus ní úsáidtear iad ach amháin chun staidreamh náisiúnta agus idirnáisiúnta a chur ar fáil.
Foilseoidh an Phríomh-Oifig Staidrimh na torthaí ar shuíomh gréasáin agus ar chainéil meán sóisialta na Príomh-Oifige Staidrimh. Bainfidh muid úsáid as céatadáin agus treochtaí chun an scéal taobh thiar de Shuirbhé Sláinte na hÉireann a insint. Tabharfaidh muid achoimre ginearálta ar shaintréithe na ndaoine a d'fhreagair an suirbhé agus ar a dtáscairí sláinte. Faoin Acht Staidrimh, 1993, féadfaidh an Phríomh-Oifig Staidrimh rochtain a thabhairt ar chomhaid sonraí neamh-chomhiomlánaithe faoi choinníollacha dochta, chun críocha eolaíochta agus staidrimh amháin. Mar sin, is féidir le taighdeoirí cláraithe rochtain a fháil ar na comhaid seo chun tabhairt faoi thaighde acadúil a bhaineann le polasaí, a fhoilsítear ansin ag leibhéal comhiomlán.
Má tá aon cheist agat faoin suirbhé, is féidir leat glaoch orainn ag 021 453 5110 nó ríomhphost a chur chugainn ag CSOTakePart@cso.ie. Is féidir leat tuilleadh eolais a fháil faoin suirbhé freisin ar shuíomh gréasáin CSO https://link.cso.ie/ihs nó ar na meáin shóisialta atá againn ar nós Instagram, Facebook nó X (Twitter).