Tá na staitisticí a fhoilsímid maidir le hÉireann neamhspleách agus iontaofa—toisc gur inis sibh dúinn iad.
Tugann an t-eolas a thugann tú dúinn léargas an-chruinn dúinn ar a bhfuil i gceist le bheith ag maireachtáil in Éirinn, sa lá atá inniu ann—ár saol, ár ngeilleagar, ár sláinte, ár n-oideachas, ár sonas agus ár bhfolláine.
Suirbhé deonach náisiúnta ar dhaoine aonair is ea Suirbhé Sláinte na hÉireann (IHS) a dhéanann an Phríomh-Oifig Staidrimh (CSO) faoi Alt 24 den Acht Staidrimh, 1993. Bailíonn Suirbhé Sláinte na hÉireann eolas faoi do shláinte, an úsáid a bhaineann tú as seirbhísí sláinte agus eolas faoi chinntithigh shláinte, amhail cothú agus caitheamh tobac, a d’fhéadfadh dul i bhfeidhm ar do shláinte. Faightear sonraí iontaofa as an suirbhé i dtaca le sláinte daoine in Éirinn ar féidir iad a úsáid i mbeartais don tsláinte phoiblí.
Tugann an t-eolas a fhaigheann muid go díreach uait trí Shuirbhé Sláinte na hÉireann léargas soiléir dúinn ar shláinte daoine, ag léiriú cúrsaí ar leibhéal náisiúnta agus réigiúnach. Úsáideann daoine aonair, eagraíochtaí agus carthanachtaí neamhrialtasacha, údaráis áitiúla, agus an rialtas náisiúnta na staitisticí sláinte a chuireann muid ar fáil chun cinntí a threorú. Cuidíonn na staitisticí seo polasaí a chruthú chun seirbhísí poiblí a chur ar fáil nuair is mó a bhíonn gá leo. Tá muid ag brath ar do chuid faisnéise, mar sin glac páirt má iarrtar ort páirt a ghlacadh mar tá tábhacht le do ghuth.
Tá cosaint do phríobháideachta i gcroílár gach rud a dhéanaimid. Ráthaítear do chuid rúndachta de réir an dlí faoin Acht Staidrimh, 1993, rud a chiallaíonn nach féidir aon duine aonair, líon tí ná fiontar a aithint ó na sonraí a fhoilsímid. Tá an fhaisnéis a sholáthraíonn tú ginearálaithe, mar sin níl aon duine inaitheanta ó na sonraí a sholáthraíonn tú agus ní úsáidtear í ach chun críocha staidrimh. Ba mhaith linn buíochas a ghabháil leat as do mhuinín ionainn.
Tá leathanach Iontaoibh & Trédhearcacht forbartha againn, mar go bhfuil rúndacht an-tábhachtach dár gcuid oibre.
Má chuireann ábhar an tsuirbhé isteach ort nó más mian leat tacaíocht a lorg a bhaineann le haon taithí a pléadh sna ceisteanna, is féidir leat an nasc thíos a leanúint chun liosta de sheirbhísí agus d’eagraíochtaí tacaíochta ábhartha a fháil: Seirbhísí tacaíochta.
Chun tuilleadh eolais nó cúnamh a fháil maidir le Suirbhé Sláinte na hÉireann, déan teagmháil le:
Ríomhphost: CSOTakePart@cso.ie
Teileafón: 021 453 5110
An Chaoi le Suirbhé de chuid na Príomh-Oifige Staidrimh a Dheimhniú