Cuideodh aiseolas uaitse linne lenár gcuid seirbhísí a fheabhsú agus a dhéanamh níos fearr don phobal. Inis dúinn faoi na nithe atá tábhachtach duitse inár Suirbhé maidir le Sástacht Custaiméirí ar líne [suirbhé i mBéarla].
Ciallaíonn an t-eolas a thugann tú dúinn gur féidir linn léargas an-chruinn a fháil ar Éirinn, ár saol, ár ngeilleagar, ár sláinte agus ár sonas. Cabhraíonn sé sin plean a dhéanamh do thodhchaí gach uile dhuine in Éirinn.
Má iarrtar ort páirt a ghlacadh i suirbhéanna ar líonta tí na Príomh-Oifige Staidrimh déan amhlaidh toisc go bhfuil tábhacht le do ghuth.
Tá thart ar 130 agallóir suirbhé buan ar fhoireann na Príomh-Oifige Staidrimh atá ag obair ar fud na tíre ag bailiú sonraí gach seachtain do shuirbhéanna ar líonta tí amhail an Suirbhé ar an Lucht Saothair (SLS), an Suirbhé ar Bhuiséad Líonta Tí (SBLT), agus an Suirbhé ar Ioncam agus Dálaí Maireachtála (SILC).
Chomh maith leis na hagallóirí sin, tá foireann 75 agallóir suirbhé de chuid na Príomh-Oifige Staidrimh ag bailiú sonraí don Suirbhé Fás Aníos in Éirinn (FAÉ) atá ag dul chuig líonta tí roghnaithe a bhfuil leanbh naoi mí d’aois acu.
Déanann agallóirí na Príomh-Oifige Staidrimh suirbhé ar thart ar 3,400 líon tí gach seachtain, agus cuireann do chabhair ar chumas na Príomh-Oifige Staidrimh forbairt na tíre a thomhais maidir le saincheisteanna sóisialta agus eacnamaíochta tábhachtacha amhail fostaíocht, bochtaineacht, cúram leanaí, sláinte agus coireacht.
An Cabhán, Gaillimh, Liatroim, Muineachán, Uíbh Fhailí, Ros Comáin, Sligeach, An Iarmhí
Ceatharlach, Cill Chainnigh, Lár na Tíre
An Cabhán, Dún na nGall, Liatroim, An Longfort, Maigh Eo, Ros Comáin, Sligeach
Ceatharlach, Corcaigh, Cill Chainnigh, Luimneach, Tiobraid Árann, Port Láirge, Loch Garman
Corcaigh, Ciarraí
Baile Átha Cliath (Cathair), Baile Átha Cliath (Belgard), Baile Átha Cliath (Fine Gall), Cill Dara, An Mhí
An Clár, Gaillimh, Maigh Eo, Iarthuaisceart Uíbh Fhailí, Iarthar Ros Comáin, Tuaisceart Thiobraid Árann
Baile Átha Cliath (Cathair), Baile Átha Cliath (Fine Gall), Lú, An Mhí, An Iarmhí
An Clár, Cathair agus Contae Chorcaí, Ciarraí, Cathair agus Contae Luimnigh
Deisceart Chathair Bhaile Átha Cliath, Lú, Loch Garman, Cill Mhantáin
An Clár, Corcaigh, Ciarraí, Cill Dara, Cill Chainnigh, Laois, Luimneach, Uíbh Fhailí, Tiobraid Árann
Tuaisceart Chontae Bhaile Átha Cliath, Lú, Cill Dara
Deisceart Chathair Bhaile Átha Cliath, Tuaisceart Chathair Bhaile Átha Cliath, Tuaisceart Chill Mhantáin
Bord Farraige an Iarthair
Baile Átha Cliath
Cúige Mumhan
Lár na Tíre
Cúige Mumhan
Réigiún na Teorann
Baile Átha Cliath
Tá ról tairbheach, sóisialta agus solúbtha ag agallóirí suirbhé na Príomh-Oifige Staidrimh. Is é agallóir suirbhé na Príomh-Oifige Staidrimh an príomhphointe teagmhála le haghaidh roinnt líonta tí atá ag glacadh páirt i suirbhéanna na Príomh-Oifige Staidrimh. Míníonn sé cuspóir agus tábhacht na sonraí a bhailítear agus an chaoi a mbainfear úsáid astu ar fud gach ceantar agus dúiche sa tsochaí.
Is cuid luachmhar d’fhoireann Shuirbhéanna ar Líonta Tí na Príomh-Oifige Staidrimh iad na hagallóirí suirbhé, agus tá ról mór acu faisnéis ríthábhachtach a thaifeadadh faoi chás eacnamaíocha agus sóisialta na ndaoine in Éirinn. Tugann an Phríomh-Oifig Staidrimh léargas atá fíor agus cruinn ar an saol in Éirinn le cabhair ó Agallóirí Suirbhé. Is féidir tuilleadh eolais a fháil faoi ról Agallórí Suirbhé na Príomh-Oifige Staidrimh san fhíseán seo.
Má tá suim agat a bheith i d’Agallóir Suirbhé leis an bPríomh-Oifig Staidrimh, téigh chuig an leathanach Gairmeacha.
Tá sé sin éasca: Tá cárta aitheantais Príomh-Oifige Staidrimh ag gach ball foirne allamuigh de chuid na Príomh-Oifige Staidrimh atá ag obair ar shuirbhéanna líonta tí ar a bhfuil a n-ainm agus a bpictiúr air.
Léigh tuilleadh ar An Chaoi le Suirbhé de chuid na Príomh-Oifige Staidrimh a Dheimhniú.
Foghlaim faoi na coimircí sonraí agus rúndachta atá againn, agus na céimeanna a ghlacaimid chun staitisticí a tháirgeadh ar féidir le gach duine muinín a bheith acu astu.