.png){kind=logo}
Is é Fás Aníos in Éirinn (FAÉ) an staidéar náisiúnta fadaimseartha ar leanaí agus daoine óga.
Bailítear sonraí sa suirbhé tábhachtach seo ar na fadhbanna a bhíonn le sárú ag leanaí agus daoine óga sa lá atá inniu ann.
Is suirbhé tábhachtach é Fás Aníos in Éirinn (FAÉ) a leanann saol na mílte leanaí agus daoine óga a rugadh in Éirinn. Tá Cohórt FAÉ ’08 ag glacadh páirt sa suirbhé seo ó bhí siad naoi mí d’aois.
Tá athrú mór tagtha ar an domhan ó rinneadh an suirbhé deireanach FAÉ ’08 in 2021/2022. Anois go bhfuil an grúpa seo beagnach ina ndaoine fásta, ba mhaith linn a fháil amach conas a chuaigh na hathruithe seo i bhfeidhm ar dhéagóirí agus ar dhaoine fásta óga.
Thug na sonraí ríthábhachtacha a bailíodh sa suirbhé deireanach léargas fíor ar shaol déagóirí in Éirinn. Chabhraigh sé linn a fháil amach faoi na rudaí a bhí tábhachtach do dhéagóirí agus faoi na rudaí a theastaigh uathu a athrú.
Agus an oiread sin ag tarlú sa domhan timpeall orainn, tá sé tábhachtach go dtabharfaí cluas éisteachta do dhéagóirí agus daoine fásta óga. Is deis é an suirbhé seo guthanna na ndaoine sin a chloisteáil.
Thug FAÉ léargas uathúil do thaighdeoirí agus do lucht déanta beartas ar shaol leanaí agus daoine óga ag céimeanna áirithe dá saoil: a bhfuil bainte amach acu, na dúshláin atá acu, agus an taithí a bhí acu ar ócáidí tábhachtacha an tsaoil.
Rinneadh an suirbhé iomlán is déanaí ar an ngrúpa seo in 2021/2022 nuair a bhí siad 13 bliana d’aois. Rinneadh suirbhé speisialta ar líne orthu in 2020 freisin chun a dtaithí le linn phaindéim COVID-19 a rianú.
Tugann an chéad chéim eile de FAÉ ’08 deis dúinn obair leantach a dhéanamh ar shaol agus ar shaincheisteanna daoine atá 17 nó 18 mbliana d’aois in Éirinn inniu. Cuideoidh sé le lucht déanta beartais áitiúil, náisiúnta agus Eorpach cinntí a cheapadh faoi sheirbhísí do dhaoine óga agus a dteaghlaigh.
Ó fhómhar 2025, táimid ag dul i dteagmháil le rannpháirtithe atá ina ndaoine fásta óga anois chun a fháil amach faoina saol agus faoi na rudaí atá tábhachtach anois dóibh.
Is staidéar ríthábhachtach náisiúnta é an Suirbhé Fás Aníos in Éirinn (FAÉ) atá dírithe ar shaol leanaí agus a dteaghlaigh in Éirinn a thuiscint. An Phríomh-Oifig Staidrimh (CSO) a thugann faoin suirbhé seo ina mbailítear sonraí tábhachtacha a chuidíonn le cinntí agus beartais a mhúnlú maidir le cúram sláinte, cúram leanaí agus seirbhísí tacaíochta do theaghlaigh cosúil le do theaghlachsa.
Bhí Cohórt ’08 17 bliana d’aois in 2025, a ghlac páirt sa suirbhé ó bhí siad naoi mí d'aois.
Trí pháirt a ghlacadh sa suirbhé Fás Aníos in Éirinn, cuideoidh tú todhchaí níos fearr a bhaint amach do leanaí in Éirinn. Gheobhaimid tuiscint níos fearr ar an gcaoi a mbíonn teaghlaigh ag maireachtáil agus ar na rudaí atá tábhachtach dóibh chun leanbh a thógáil agus na tacaíochtaí a d’fhéadfadh a bheith ag teastáil uathu.
Cuidíonn an fhaisnéis a bhailíonn an Phríomh-Oifig Staidrimh trí shuirbhé FAÉ feabhas a chur ar phleanáil agus ar sheirbhísí do leanaí agus dá dteaghlaigh lena n-áirítear:
Trí pháirt a ghlacadh, tá tú ag cur le taighde luachmhar a rachaidh chun tairbhe do leanaí, do theaghlaigh agus do phobail ar fud na hÉireann. D’fhéadfadh todhchaí níos fearr a bheith ag do leanbh mar thoradh ar do scéal. Trí pháirt a ghlacadh, is féidir leat tionchar a bheith agat ar a dtodhchaí.
_2008_Cohort_IRI-01_new_Gaeilage.png)
Tá sé simplí páirt a ghlacadh sa suirbhé FAÉ, agus beidh d’fhaisnéis go hiomlán faoi rún. Tá an fhaisnéis ar fad a bhailítear faoi chosaint an dlí faoin Acht Staidrimh, 1993, ag cinntiú go bhfuil do chuid freagraí slán agus gan ainm.
Tá cosaint do rúndacht agus do phríobháideachas i gcroílár gach rud a dhéanaimid. Ní roinnfimid riamh do chuid sonraí pearsanta le tríú páirtí ná le gníomhaireacht rialtais ar bith eile. Tá do rúndacht faoi chosaint ag an dlí, rud a chiallaíonn nach féidir aon duine aonair ná aon teaghlach a aithint ó na sonraí a fhoilsímid.
Táimid anseo chun tacú leat i rith an phróisis. Má tá aon cheisteanna agat faoi pháirt a ghlacadh, ná bíodh drogall ort teagmháil a dhéanamh linn.
Ríomhphost: CSOTakePart@cso.ie
Teileafón: 021 453 5110
Faigh freagraí ar cheisteanna coitianta faoin suirbhé Fás Aníos in Éirinn agus faoi Chohórt '08
Faigh eolas agus sonraí teagmhála ar raon seirbhísí tacaíochta a chabhróidh le réimse fadhbanna
Mionsonraí na sonraí a bailíodh sa suirbhé seo, mar a phróiseáiltear agus a chosnaítear iad
Tá suíomh gréasáin an Staidéir Fás Aníos in Éirinn á chur i láthair ag an Roinn Leanaí, Comhionannais, Míchumais, Lánpháirtíochta agus Óige agus tá sé ag cur faisnéis ar fáil faoin staidéar ó seoladh ar dtús é in 2008
Faigh tuilleadh eolais faoin bPríomh-Oifig Staidrimh (CSO), cé muid féin, agus cén fáth go bhfuil an rud a dhéanaimid tábhachtach
Foghlaim faoi mar a oibríonn an CSO le sonraí, na cosaintí atá i bhfeidhm againn, agus ár gcur chuige i leith eitic agus trédhearcachta.
Foghlaim faoi na coimircí sonraí agus rúndachta atá againn, agus na céimeanna a ghlacaimid chun staitisticí a tháirgeadh ar féidir le gach duine muinín a bheith acu astu.