Comórtas John Hooper 2019

Dírítear aird daltaí agus múinteoirí ar an spriocdháta níos luaithe i mbliana chun póstaeir a chur faoi bhráid – 1 Márta 2019. Tá seo amhlaidh chun cloí le dátaí chomórtas póstaeir an Chláir Idirnáisiúnta don Litearthacht Staitistiúil (ISLP).

Cuspóir an chomórtais

Is é is cuspóir leis an gcomórtas ná feabhsú cumas daltaí chun cur síos ar a dtimpeallacht agus chun ciall a bhaint as an saol ag úsáid staitisticí.

• Comórtas Bhonn Staidrimh John Hooper (PDF 544KB)

Póstaer, cén fáth?
Trí páirt a ghlacadh sa chomórtas seo spreagfar daltaí chun:

• oibriú ar bhonn foirne
• ceisteanna iarbhír a iniúchadh ag baint úsáid as sonraí
• úsáid a bhaint as a scileanna comhairimh agus grafacha
• torthaí staitistiúla a léirmhíniú
• scileanna a fhorbairt sa chumarsáid scríofa.

Téama an Phóstaeir
Féadfaidh daltaí topaic ar bith a roghnú dá bpóstaer.
 
Glacadh páirt
Tá an comórtas náisiúnta oscailte d’fhoirne de bheirt nó triúir dalta, a rugadh i 2000 nó ina dhiaidh, agus as cuid ar bith d’oileán na hÉireann. Ní mór do mhúinteoirí na foirne a chlárú.
 
Rialacha an Chomórtais
Tá rialacha iomlán an chomórtais le fáil anseo. Ní ghlacfar ach amháin le hiontrálacha i bhformáid póstaeir ríomhghinte mar chomhad leictreonach. A mhúinteoirí, tabhair aire le bhur dtoil má fhaightear póstaeir sa Phríomh-Oifig Staidrimh i ndiaidh 5.00 i.n., an 1 Márta 2019, ní bheidh na póstaeir sin i dteideal a bheith sa chomórtas.
 
Céimeanna an chomórtais:

• Clárú le déanamh ag an múinteoir faoin 25 Eanáir 2019 chuig johnhooper2019@cso.ie
• Na póstaeir le cur faoi bhráid faoi 5.00 i.n., an 1 Márta 2019, ar ríomhphost chuig johnhooper2019@cso.ie.
• Déanfaidh an coiste eagraithe náisiúnta moltóireacht ar na póstaeir.
• Fógrófar na póstaeir bhuaiteacha náisiúnta an 29 Márta 2019.
• Bronnfar Bonn Staidrimh John Hooper [en] ón bPríomh-Oifig Staidrimh ar an bhfoireann bhuacach (chéad áit) sa chomórtas náisiúnta. Ina theannta sin, bronnfar duaiseanna airgid mar seo a leanas:

 
Chéad Áit - €1,600 (as sin bronnfar €1,000 as an duais ar an scoil agus €600 ar an bhfoireann daltaí)

Dara hÁit - €1,000 (as sin bronnfar €650 ar an scoil agus €350 ar an bhfoireann daltaí)

Tríú hÁit - €600 (as sin bronnfar €400 ar an scoil agus €200 ar an bhfoireann daltaí)
 
Céimeanna i ndéanamh póstaeir: 
1. Socraigh ar cheist
2. Bailigh sonraí nó úsáid sonraí atá ann cheana féin 
3. Athbhreithnigh cáilíocht na sonraí
4. Déan anailís ar na sonraí
5. Déan an póstaer

Féach chomh maith: Conas Póstaer a Dhéanamh
 
Tuilleadh Faisnéise
Chun teacht ar eolas faoi bhuaiteoirí na bliana seo chaite, féach: Bonn Staidrimh John Hooper – Torthaí 2018
 
Nó téigh i dteagmháil le:

Comhordaitheoir Comórtas na Príomh-Oifige Staidrimh

johnhooper2019@cso.ie

Teil: 021 453 5021