Roimh Lá Fhéile Vailintín, rinne an Phríomh-Oifig Staidrimh scrúdú inniu (12 Feabhra 2026) na costais athraitheacha a bhaineann le cuid de na hearraí atá sa Praghasinnéacs Tomhaltóirí (CPI) a bhaineann leis an ócáid. Tá na praghsanna seo mar chuid den CPI foriomlán, a thomhaiseann boilsciú in Éirinn.
Mar a chonaiceamar ónár n-anailís in 2025, bhí costais na ngníomhartha rómánsúla a bhaineann le Lá Fhéile Vailintín de ghnáth ag méadú, agus tá na treochtaí sin ag leanúint ar aghaidh in 2026. Tá an anailís seo bunaithe ar chomparáid idir praghsanna a bailíodh i Nollaig 2020, Nollaig 2024, agus Nollaig 2025 (féach Nóta an Eagarthóra thíos).
Má tá rún agat do ghean a léiriú trí bhosca seacláidí a bhronnadh i mbliana, tháinig méadú 10.1% ar phraghas bhosca seacláidí sa bhliain ó Nollaig 2024 go Nollaig 2025, rud a chiallaíonn go gcosnaíonn bosca a chosain €10 anuraidh €11 anois.
Bronntanas móréilimh eile ar Lá Fhéile Vailintín is ea bláthanna, agus tháinig méadú 2.5% orthu le linn na bliana, agus chonacthas athrú beag ar bhuidéal fíona, le méadú 0.2%.
Mar a bhíothas ag súil leis, mhéadaigh costais ithe amuigh freisin. Mhéadaigh costas béile i mbialann do dhuine speisialta 2.8% sna 12 mhí go Nollaig 2025, agus má roghnaíonn tú fanacht istigh le haghaidh oíche chluthar agus béile beir leat, d’fhéadfá 3.6% breise a íoc as do bhia.
Dóibh siúd a cheiliúrann an ócáid le turas chuig an bpictiúrlann nó chuig an amharclann, chosnódh an dá chuairt beagnach 4% níos mó an geábh seo.
Ba ar phraghas bhosca seacláidí a bhí an fás ba mhó – 44% ó Nollaig 2020 go Nollaig 2025, agus tháinig méadú 14% ar bhronntanais eile amhail bláthanna agus 10.3% ar bhuidéal fíona.
Tá béilí beir leat 30% níos daoire ná mar a chosain siad in 2020, agus tháinig méadú 24.3% ar bhéile i mbialann thar na cúig bliana go 2025.
Ó thaobh na siamsaíochta de, mhéadaigh freastal ar léiriú amharclainne 19% agus mhéadaigh turas chuig an bpictiúrlann 10% idir Nollaig 2020 agus Nollaig 2025.
| R-phost | pressoffice@cso.ie |
|---|---|
| R-phost | cpi@cso.ie |
-- CRÍOCH --
Nótaí d'Eagarthóirí
Is iad sonraí IPT Nollag 2025 na is déanaí atá ar fáil, toisc go bhfoilseofar eolas Eanáir 2026 ar 19 Feabhra 2026.
Ríomhtar an t-athrú i bpraghsanna gach táirge óna n-innéacsanna praghsanna. Rianaíonn an t-innéacs praghsanna raon leathan praghsanna do réimse earraí laistigh de ghrúpa táirgí gach mí. Is codanna den IPT, a thomhaiseann boilsciú le himeacht ama, iad na hearraí seo go léir.
Is féidir na staidreamh seo a chur i leith an staitisteora Anthony Dawson i Rannóg Praghsanna Tomhaltóirí na Príomh-Oifige Staidrimh.