Táimid anois ag cur tús le comhairliúchán poiblí maidir leis na haschuir sonraí do Dhaonáireamh 2027.
Iarrann an CSO ar gach úsáideoir sonraí daonáirimh, idir dhaoine aonair agus eagraíochtaí, a gcuid riachtanas shonraí agus a gcuid moltaí maidir le haschuir a chur in iúl trí fhreagra a thabhairt ar an gcomhairliúchán seo.Tá an comhairliúchán ar oscailt go dtí an 18 Meán Fómhair 2026.
Is féidir leat an suirbhé comhairliúcháin a chomhlíonadh anseo.
Is féidir leat d’aighneacht a sheoladh ar ríomhphost freisin chuig census2027consultation@cso.ie.
Postáil: An Phríomh-Oifig Staidrimh, An Campas Shoird, Bóthar Bhaile Anraí, Sord, Co. Bhaile Átha Cliath, K67 D2X4.
Scrúdóidh an CSO na haighneachtaí uile a gheofar chun cabhrú le Straitéis Scaipthe Dhaonáireamh 2027 a fhorbairt, a fhoilseofar ar cso.ie roimh Daonáireamh 2027.
Tagann an comhairliúchán seo i ndiaidh an chomhairliúcháin a bhí ann roimhe seo maidir le hábhar fhoirm Dhaonáireamh 2027. Fuair an CSO os cionn 400 aighneacht le moltaí maidir le ceisteanna nua agus athruithe ar cheisteanna a bhí ann cheana, le linn an chomhairliúcháin sin. Rinne Grúpa Comhairleach Daonáirimh athbhreithniú orthu sin, agus mhol sé sraith ceisteanna le triail a bhaint astu i Suirbhé Píolótach Daonáirimh 2024.
Tar éis anailís a dhéanamh ar na freagraí ar an Suirbhé Píolótach, d’fhoilsigh an CSO tuarascáil ar an gcomhairliúchán, ar an Suirbhé Píolótach, agus ar chonclúidí an Ghrúpa, lena n-áirítear an t-ábhar a mhol sé le haghaidh fhoirm Dhaonáireamh 2027. Cheadaigh an Rialtas Daonáireamh 2027 i mí na Samhna 2025.