Measann 32.3% de dhaoine 65 bliain d’aois agus níos sine go raibh sástacht saoil ard acu, le hais 24.7% díobh siúd 25-49 bliain d’aois.
Táthar ag tuar go n-ardóidh sciar na ndaoine 85 bliain d’aois agus níos sine ó 104,300 in 2027 go 389,400 in 2057.
Meastar go n-ardóidh cóimheas seanaoise agus cleithiúnais, sin daonra 65 bliain d’aois agus níos sine mar céatadán den daonra 15-64 bliain, ó 25% in 2027 go 49.8% in 2057.
Bhí 131,400 duine 65 bliain d’aois agus níos sine i bhfostaíocht i Ráithe 2 2025 le hais 103,900 díobh i Ráithe 2 2021, méadú de 26%.
Thuairiscigh 11% de dhaoine 75 bliain agus níos sine gur rinneadh leithcheal orthu le dhá bhliain anuas le hais 29% de dhaoine 25-34 bliain d’aois.
Shiúil 59.9% de dhaoine 75 bliain d’aois agus níos sine chun dul go agus teacht ó áiteanna ar a laghad trí lá in aghaidh na seachtaine in 2024, le hais 85.2% díobh 18-24 bliain d’aois.
Tá go leor bealaí ann chun tuiscint a fháil ar shaol daoine scothaosta – na hathruithe le himeacht ama a fheiceáil, táscairí ar fud réimse leathan foilseachán na Príomh-Oifige Staidrimh a chur i gcomparáid, agus súil níos doimhne a chaitheamh ar dhifríochtaí idirghlúine laistigh d’Éirinn. Cuireann an Mol táscairí ar fáil a fuarthas ó réimse fhoilseachán agus shuirbhéanna na Príomh-Oifige Staidrimh.
Tá an Mol Eolais ar Dhaoine Scothaosta ar fáil ar phríomhláithreán gréasáin na Príomh-Oifige Staidrimh agus clúdaítear na téamaí seo a leanas ina gcuimsítear réimse bearta oibiachtúla agus suibiachtúla:
1. Grafaic Léargais
2. Daonra atá ag dul in Aois
3. Sláinte
4. Coireacht
5. Tithíocht
6. Ioncam agus Bochtaineacht
7. Oideachas
8. Dearcthaí agus Tuairimí
9. Taisteal agus Turasóireacht
10. Gníomhaíocht
11. Imeachtaí Saoil
12. Fostaíocht
13. Cúramóirí Scothaosta agus Tacaíochtaí Sóisialta
14. Úsáid Idirlín
15. Tiománaithe agus Sábháilteacht ar Bhóithre
| R-phost | icw@cso.ie |
|---|---|
| R-phost | PressOffice@cso.ie |
-- CRÍOCH --
Mol Eolais ar Dhaoine Scothaosta
Tá uasdátú foilsithe inniu (27 Lúnasa 2025) ar an Mol Eolais ar Dhaoine Scothaosta. Seoladh an Mol Eolais ar Dhaoine Scothaosta i Meán Fómhair 2022 ina dtugtar léargas ar shaol daoine scothaosta in Éirinn, ina dtarraingítear aird ar na táscairí sóisialta agus eacnamaíochta ó réimse leathan foilseachán agus foinsí ón bPríomh-Oifig Staidrimh ó ar fud chóras an Rialtais.
Ag trácht di ar an Mol Eolais ar Dhaoine Scothaosta, dúirt Sarah Crilly, Staitisteoir sa Rannóg Folláine agus Comhtháthú Sóisialta: “Tá daonra na hÉireann ag dul in aois agus tá an t-ionchas saoil ag méadú agus tá daoine Scothaosta fós ina gcuid ghníomhach agus bhríomhar den phobal. Áirítear táscairí eacnamaíochta agus sóisialta araon sa Mhol Eolais ar Dhaoine Scothaosta ina gclúdaítear sláinte, oideachas, fostaíocht, bochtaineacht, imeachtaí saoil agus eile. Léiríonn sé sin an saol iomlán agus éagsúil atá ag daoine scothaosta in Éirinn le go leor acu fós ag obair agus ag feidhmiú mar chúramóirí sa phobal. I bhfianaise an réimse beart éagsúil oibiachtúil agus suibiachtúil, tá sé deacair léargas iomlán ar shaol daoine scothaosta in Éirinn a chruthú. Tá 46 táscaire éagsúil sa Mhol agus tá siad roinnte idir 15 téama ar leith. Leagfaidh daoine aonair, ag brath ar a dtaithí féin, béim éagsúil dár ndóigh ar an tábhacht a bhaineann le gach ceann de na téamaí Daoine Scothaosta i gcomórtas le cásanna eile. Is é ceann de na haidhmeanna atá ag an Mol ná saoráid inrochtana a chur ar fáil d’úsáideoirí chun scrúdú a dhéanamh ar théamaí agus ar tháscairí dóibh féin chun tuiscint bhreise a fháil ar ghnéithe áirithe de shaol daoine scothaosta.
Ag féachaint ar na hathruithe le linn na bliana, measann 32.3% de dhaoine 65 bliain d’aois agus níos sine go raibh sástacht saoil ard acu, le hais 24.7% díobh siúd 25-49 bliain d’aois. Shiúil 59.9% de dhaoine 75 bliain d’aois agus níos sine chun dul go agus teacht ó áiteanna ar a laghad trí lá in aghaidh na seachtaine in 2024, le hais 85.2% díobh 18-24 bliain d’aois.
Táthar ag tuar go n-ardóidh sciar na ndaoine 85 bliain d’aois agus níos sine ó 104,300 in 2027 go 389,400 in 2057. Meastar go n-ardóidh cóimheas seanaoise agus cleithiúnais, sin daonra 65 bliain d’aois agus níos sine mar céatadán den daonra 15-64 bliain, ó 25% in 2027 go 49.8% in 2057 (féach Nótaí Cúlra). Bhí 131,400 duine 65 bliain d’aois agus níos sine i bhfostaíocht i Ráithe 2 2025 le hais 103,900 díobh i Ráithe 2 2021, méadú de 26%. Thuairiscigh 11% de dhaoine 75 bliain agus níos sine gur rinneadh leithcheal orthu le dhá bhliain anuas le hais 29% de dhaoine 25-34 bliain d’aois."
Príomhtháscairí Eile:
Sláinte
Úsáid Idirlín
Coiriúlacht