Oifigeach um Chórais Faisnéise Geografaíche (Grád Ard-Oifigigh Feidhmiúcháin)

Oifigeach um Chórais Faisnéise Geografaíche (Grád Ard-Oifigigh Feidhmiúcháin)

Is í an Phríomh-Oifig Staidrimh Oifig Staidrimh Náisiúnta na hÉireann. Is é ár misean staidreamh iontaofa, neamhchlaonta a chur ar fáil a thacaíonn le cinnteoireacht ar fud an rialtais, an ghnó agus na sochaí sibhialta.

Tá folúntais againn faoi láthair d’Oifigigh um Chórais Faisnéise Geografaíche ag grád Ard-Oifigigh Feidhmiúcháin inár n-oifigí i gCorcaigh agus i mBaile Átha Cliath.

Má spreagann an dúshlán a bhaineann le réitigh cheannródaíocha i gcórais faisnéise geografaíche a fhorbairt thú agus más mian leat cur le sochaí atá bunaithe ar shonraí, ba mhaith linn cloisteáil uait.

Mar Oifigeach um Chórais Faisnéise Geografaíche (grád Ard-Oifigigh Feidhmiúcháin), beidh ról lárnach agat i bhforbairt agus i gcothabháil bonneagair gheospásúla a thacaíonn lenár misean. Is deis spreagúil í seo chun tionchar a imirt ar an gcaoi a gcuirtear sonraí spásúla agus staidrimh le chéile chun léargais a sholáthar a théann i bhfeidhm ar bheartas, a chothaíonn nuálaíocht agus a thacaíonn le cinntí atá bunaithe ar fhianaise do thodhchaí na hÉireann.

Is post é seo a thacóidh le gníomhaíochtaí córais faisnéise geografaíche laistigh den CSO agus laistigh den Chóras Staidrimh Éireannach níos leithne. Déanfaidh an t-iarrthóir rathúil an méid seo a leanas:

• Cabhrú le modhanna geospásúla a chur chun cinn ar fud réimsí oibre an CSO.
• Feidhmchláir gheospásúla, táirgí agus tacair sonraí spásúla a fhorbairt agus a sholáthar.
• Cuidiú le bonneagar teicniúil córais faisnéise geografaíche an CSO a fhorbairt agus a chothabháil.
• Comhoibriú le comhghleacaithe agus le comhpháirtithe seachtracha chun cuspóirí comhroinnte i gcórais faisnéise geografaíche a bhaint amach.
• Fanacht ar an eolas faoi fhorbairtí náisiúnta agus idirnáisiúnta i gcórais faisnéise geografaíche atá ábhartha don staidreamh oifigiúil.

Chun tuilleadh eolais a fháil faoi conas iarratas a dhéanamh, tabhair cuairt ar:

https://www.cso.ie/en/baile/eolasfuinn/earcaiocht/

Is é 3.00 i.n. an 26 Márta 2026 an spriocdháta chun iarratais a fháil.
Tá an CSO tiomanta do bheartas comhionannais deiseanna agus spreagann sé iarratais faoi gach ceann de na naoi bhforas atá leagtha amach san Acht um Chomhionannas Fostaíochta.