17 Feabhra 2022

Breathnaigh ar an eisiúint: Suirbhé ar an Lucht Saothair, Ráithe 4 2021 [en]

Tá torthaí á fhoilsiú ag an bPríomh-Oifig Staidrimh (CSO) inniu (17 Feabhra 2022) ón Suirbhé ar an Lucht Saothair (SLS) le haghaidh Ráithe 4 2021.

Déanann Sam Scriven, Staitisteoir, trácht ar eisiúint an lae inniu: “Leanann tionchar na paindéime COVID-19 ar an margadh saothair in Éirinn, tionchar a chonacthas a rian den chéad uair i dtreo dheireadh Ráithe 1 2020. Leis an oibleagáid atá ar an Oifig seo sainmhínithe agus modheolaíochtaí caighdeánacha a úsáid le meastacháin oifigiúla an tSuirbhé ar an Lucht Saothair a ríomh, leanaimid de na meastacháin SLS le haghaidh Ráithe 4 2021 a chur i dtoll a chéile ar an ngnáthbhealach agus Meastacháin Coigeartaithe COVID-19 faoi leith curtha ar fáil in éineacht leo.

De réir gnáthchritéir na hEagraíochta Idirnáisiúnta Saothair (ILO), tháinig méadú 229,200 nó 10.1% ar an líon neamhchoigeartaithe daoine 15-89 bliain d’aois i bhfostaíocht go 2,506,000 sa bhliain dar críoch R4 2021. Tháinig méadú i mórchuid de na hearnálacha éagsúla fostaíochta, agus na méaduithe ba suntasaí san earnáil Lóistín & Seirbhísí Bia (+29.8% nó +37,100). Sheas an Ráta Fostaíochta ag 73.0% i measc daoine 15-64 bliana d’aois in R4 2021.

Tá neamhláithreacht oibrithe (m.sh. iad scaoilte chun bealaigh go sealadach, ar shaoire teaghlaigh nó ar ghnáthshaoire) ina ceist shuntasach go fóill maidir leis an líon uaireanta oibre i measc an lucht saothair. Bhí laghdú 14.7%  go 252,100 ar an lion cásanna neamhláithreachta sa tseachtain tagartha le linn na bliana dar críoch R4 2021. Mar gheall air seo agus an méadú fostaíochta 10.1%, bhí méadú 9.6% nó 6.8 milliún ar an líon uaireanta oibre sa ráithe, go 77.6 milliún uair. Athrú éagothrom ar uaireanta oibre a bhí ann i measc na n-earnálacha geilleagracha éagsúla. In R4 2021, bhí uaireanta oibre sna i ngach mór gach earnáil ní b’airde ná bliain roimhe agus ag druidim ar leibhéil R4 2019. San earnáil Lóistín & Seirbhísí Bia, tháinig méadú 1.7 milliún uair (+70.8%) ar an líon uaireanta oibre sa tseachtain le linn na bliana dar críoch R4 2021.

Nuair a thógtar éifeachtaí COVID-19 san áireamh, meastar faoin Tomhas Coigeartaithe Fostaíochta COVID-19, an luach féideartha is ísle de dhaoine 15 bliana d’aois agus os a cionn i bhfostaíocht, go raibh 2,439,099 fostaithe ag deireadh Nollaig 2021 agus go raibh Ráta Coigeartaithe Dífhostaíochta COVID-19 de 70.9% ann do dhaoine 15-64 bliana d’aois. Agus Eanáir 2022 ag teacht chun críche, sheas an dá táscaire seo ag 2,430,587 agus 70.7% faoi seach.

De réir gnáthchritéir ILO, is é an líon neamhchoigeartaithe daoine in aois 15-74 bliana a bhí dífhostaithe i R4 2021 ná 127,400 le Ráta Dífhostaíochta comhfhreagrach de 4.9%.

Mar chuid d’eisiúint an CSO ar Mheastacháin Dífhostaíochta Míosúil le haghaidh Eanáir 2022, foilsíodh Toirteanna agus Rátaí Dífhostaíochta Coigeartaithe COVID-19 mar a bhí ag deireadh Nollaig 2021. De réir na heisiúna sin, 195,313 daoine a bhí dífhostaithe agus ráta 7.4% a bhí i gceist do dhaoine in aois 15-74 bliana ag an am. Agus Eanáir 2022 ag teacht chun críche, 202,027 daoine a bhí dífhostaithe ionann le ráta 7.8%.

In R4 2021, de réir na gnáthmhodheolaíochta, bhí méadú 8.9% nó 214,800 go 2,633,300 daoine tagtha ar an líon iomlán daoine sa lucht saothair le hais R4 2020. Bhí líon 1,411,800 daoine nach raibh sa lucht saothair in R4 2021, laghdú 10.3% nó 161,300 ar an ráithe chéanna bliain roimhe.”

Maidir leis an tábhacht atá le daoine roghnaithe páirt a ghlacadh san SLS, deir Jim Dalton: “I gcomhréir le treoirlínte sláinte poiblí a bhaineann le COVID-19, níl ár n-agallóirí ag tabhairt cuairt ar dhaoine sa bhaile. Ina áit sin, tá agallaimh ar an nguthán á ndéanamh acu. Faigheann líonta tí roghnaithe litreacha roimh ré ag iarraidh orthu teagmháil a dhéanamh leis an agallóir chun am a shocrú le haghaidh agallaimh.

Is foinse eolais fíorthábhachtach iad na suirbhéanna seo as a n-eascraíonn léargas ar an staid shóisialta agus geilleagrach ina bhfuil muintir na hÉireann ar leibhéal cruinnis nach bhféidir a shárú. Má dhéantar teagmháil le haon duine chun páirt a ghlacadh i suirbhé de chuid na hOifige, iarraim orthu amhlaidh a dhéanamh chun leasa na tíre. Is féidir libhse, muintir na hÉireann, braith ar chruinneas fhigiúirí CSO toisc gur sibhse a insíonn dúinn iad.”

-- CRÍOCH --