15 Meitheamh 2021

Breathnaigh ar an eisiúint: Staitisticí Eitlíochta, Ráithe 1 2021 [en]

Tá Staitisticí Eitlíochta le haghaidh Ráithe 1 2021 foilsithe ag an bPríomh-Oifig Staidrimh (CSO) inniu (15 Meitheam 2021). Baineann líonta paisinéirí leis an gcúig aerfort is mó sa stát: Baile Átha Cliath, Ciarraí, Cnoc Mhuire (Co. Mhaigh Eo), Corcaigh agus Sionainn.

Déanann an Dr. Nele van der Wielen, Staitisteoir, trácht ar eisiúint an lae inniu:

“Léirítear sna figiúirí seo laghdú suntasach ar thaisteal idirnáisiúnta le linn Ráithe 1 2021. Bhí líonta paisinéirí ní b’ísle in Eanáir, Feabhra agus Márta i mbliana ná mar a bhí in 2020. I gcás Feabhra 2021, taifeadadh laghdú 96% i gcomparáid leis an mí chéanna bliain níos luaithe. Baineann na laghduithe seo le srianta taistil a cuireadh i bhfeidhm de bharr COVID-19.

In R1 2021, tháinig nach mór 209,000 paisinéir i dtír in Éirinn agus d’imigh 210,000 paisinéir amach. Is ionann seo agus titim 93% don ráithe ar an líon paisinéirí a láimhseáladh le hais na tréimhse céanna in 2020.

Feictear dúinn gur tháinig borradh 3% go 38,347 tonna sa chéad trí mhí de 2021 ar an oiread lastais a láimhseáladh ag príomhaerfoirt na hÉireann, i gcomparáid leis an tréimhse chéanna in 2020.”

-- CRÍOCH --