24 Feabhra 2021

Breathnaigh ar an eisiúint: Ioncam na gContaetha agus Olltáirgeacht Inmheánach na Réigiún 2018 [en]

Foilsíonn an Phríomh-Oifig Staidrimh (CSO) torthaí inniu (24 Feabhra 2021) maidir le hIoncaim na gContaetha agus Olltáirge Inmheánach na Réigiún 2018.

Déanann John Milne trácht ar eisiúint an lae inniu: “In 2018, tháinig méadú ar an mbearna idir ioncaim i mBaile Átha Cliath agus meán an stáit. Thuill daoine i mBaile Átha Cliath 17.4% níos mó ná meánfhigiúr an stáit, chomh maith le 6.2% níos mó ná Cill Dara, an contae leis an dara leibhéal ioncaim is airde ar 10.7% os cionn an mheáin.

B’ionann meánioncam an stáit agus €21,270 in 2018. Ní raibh ach sé chontae le hioncaim os cionn an fhigiúir sin; Baile Átha Cliath, Cill Dara, Luimneach, Cill Mhantáin, An Mhí agus Corcaigh.

Tháinig méadú bliain-ar-bhliain ar an mbearna idir an luach is airde agus an luach is ísle ioncaim de réir réigiúin, ó €6,430 in 2017 go €7,578 in 2018. Bhí seo amhlaidh toisc gur tháinig fás €1,348 (+5.7%) ar ioncaim i réigiún Bhaile Átha Cliath, agus gan ach fás €199 (+1.2%) go €17,391 sa réigiún is ísle, An Teorainn. Chonacthas titim €420 (-2.4%) go €17,389 sa réigiún Lár Tíre.”

-- CRÍOCH --