Bhí an leibhéal fostaíochta i Ráithe 2 (R2) i 2025 (74.7%) 5.8 pointe faoin gcéad níos airde ná mar a bhí i R2 2019 (68.9%).
Cé go bhfuil an glanfhiúchas rialtais fós diúltach (-€51 billiún i R1 2025), d’fheabhsaigh sé 111% ó R1 2020 (-€179 billiún).
Is é 37.1% an líon daoine aonair in 2024 a thuairiscigh go raibh sástacht saoil fhoriomlán ard i measc na ndaoine sin a mheasann go bhfuil a sláinte ghinearálta an-mhaith, i gcomparáid le 5.6% de dhaoine aonair a mheasann go bhfuil a sláinte ghinearálta go dona nó an-dona.
Mhothaigh 66.8% den daonra in 2024 go raibh triúr nó níos mó duine acu a d’fhéadfaidís brath orthu dá mbeadh fadhb thromchúiseach acu, agus mhothaigh 3.7% nach raibh aon duine acu le brath orthu.
Bhí an meánioncam indiúscartha teaghlaigh is airde in 2024 ag teaghlaigh ina raibh ceann an teaghlaigh fostaithe, ag €59,895, agus bhí an meánioncam is ísle ag teaghlaigh nach raibh ceann an teaghlaigh in ann a bheith ag obair mar gheall ar dheacrachtaí sláinte a bheith acu le fada, ag €28,532.
Tá Mol Eolais ar Chúrsaí Folláine na Príomh-Oifige Staidrimh ar fáil ar phríomhshuíomh gréasáin na Príomh-Oifige Staidrimh. Baineadh na staitisticí sa Mhol Eolais ar Chúrsaí Folláine ó raon leathan foinsí, ón bPríomh-Oifig Staidrimh den chuid is mó, ach ó fhoinsí ar fud chóras an rialtais freisin. I bhformhór na gcásanna, déanfar nuashonrú uathoibríoch ar na táscairí de réir mar a bheidh sonraí á bhfoilsiú ag an bPríomh-Oifig Staidrimh. Is féidir eolas níos mionsonraithe ar gach táscaire a fháil sna táblaí agus sna foilseacháin ábhartha. Mar gheall ar nádúr fadtéarmach na dtáscairí, d'fhéadfadh sé nach bhfuil cuid acu reatha. Cuirfimid na húsáideoirí ar an eolas maidir leis na nuashonruithe sin de réir mar a tharlaíonn siad.
Áirítear na réimsí seo a leanas i Mol Eolais ar Chúrsaí Folláine na Príomh-Oifige Staidrimh:
| R-phost | icw@cso.ie |
|---|---|
| R-phost | PressOffice@cso.ie |
Mol Eolais maidir le Folláine 2025
D’fhoilsigh an Phríomh-Oifig Staidrimh (CSO) nuashonrú inniu (an 2 Meán Fómhair 2025) ar an Mol Eolais ar Chúrsaí Folláine, a bhíonn ag tuairisciú ar fholláine an náisiúin.
Ag caint ar Mhol Eolais ar Chúrsaí Folláine na Príomh-Oifige Staidrimh, dúirt Sarah Crilly, Staitisteoir sa Rannán Ioncaim, Tomhaltais agus Rachmais: “Seoladh an Mol Eolais ar Chúrsaí Folláine i mí Dheireadh Fómhair 2021 agus tá 35 táscaire ann a bhaineann le 11 réimse lena n-áirítear an geilleagar, an timpeallacht, agus ár sochaí le gnéithe comhionannais agus inbhuanaitheachta. Déantar iarracht ceisteanna ríthábhachtacha a fhreagairt amhail mar atá ag éirí linn mar thír, mar phobail agus mar dhaoine aonair. Seans go bhfuil pointí tagartha níos sine ag táscairí áirithe, a bhfuilimid ag obair orthu faoi láthair chun iad a thabhairt cothrom le dáta, agus cuirfimid na húsáideoirí ar an eolas maidir leis na nuashonruithe sin de réir mar a tharlaíonn siad.
Cuireann an nuashonrú is déanaí seo ar Mhol Eolais ar Chúrsaí Folláine na Príomh-Oifige Staidrimh léargas dearfach den chuid is mó ar fáil dúinn den saol in Éirinn in 2025, agus an chuid is mó de na táscairí ag feabhsú nó ag fanacht seasta go fadtréimhseach. Mar sin féin, bhí roinnt grúpaí nach ndearna chomh maith céanna le grúpaí eile. Ar an iomlán, bhí comparáid mhaith idir na táscairí agus táscairí coibhéiseacha an Aontais Eorpaigh.
Chun tuilleadh eolais a fháil ar an gcaoi a bhaineann an Rialtas úsáid as na táscairí folláine, féach Saol na hÉireann a Thuiscint ar gov.ie."
Buaicphointí ón Mol Eolais ar Chúrsaí Folláine
Eacnamaíoch
Sóisialta
An Comhshaol