Ceisteanna 26-28

Ceist 26 - Fóstaíocht

Úsáidtear ceist 26 san anailís ar fhostaíocht daoine. Úsáidtear an fhaisnéis sin chun acmhainn fáis i ngnó agus i bhfostaíocht a thaispeáint.

Treoirlínte faoi cheist 26 a fhreagairt:

• Is ceart an téarma 'Fostaí' a úsáid i gcás duine a fhaigheann tuarastal nó pá seasta, fiú má tá sé/sí ag cabhrú le gaol. Má tá duine ag cabhrú le gaol gan tuarastal nó pá seasta a fháil, áfach, is ceart dó/di tic a chur le "Ag cabhrú le gaol"
• Is ceart do shagairt, mná rialta, bráithre, srl. tic a chur le "Fostaí".
• Is ceart do dhaoine atá fostaithe mar stiúrthóirí bainistíochta tic a chur le "Fostaí".
• Is ceart do dhaoine atá i gcomhpháirtíocht i ngnólacht a bhfuil fostaithe íoctha aige tic a chur le "Féinfhostaithe, le fostaithe íoctha".
• Is ceart do dhaoine atá i gcomhpháirtíocht i ngnólacht nach bhfuil fostaithe íoctha aige tic a chur le "Féinfhostaithe, gan fostaithe íoctha". 

Ceist 27 - Gairm

Baintear úsáid as an bhfaisnéis a sholáthraítear le ceist 27 chun pictiúr a chruthú de ghrúpaí gairme agus den chaoi a bhfuil slite beatha ag athrú thar am.

Treoirlínte faoi cheist 27 a fhreagairt:

Is ceart do na daoine a chuir tic sna boscaí seo a leanas sonraí slí beatha a sholáthar i ndáil lena bpríomhstádas láithreach (C24):

• no1 Ag obair le haghaidh íocaíochta nó brabúis
• no3 Dífhostaithe
• no6 Scortha.

Is ceart go mbeadh tuairisc na slí beatha cruinn de réir threoracha na gceisteanna - féach samplaí thíos.