Ceisteanna 14-19

Ceist 14 - 15 Míchumas

Soláthróidh torthaí cheisteanna 14 agus 15, in éineacht le torthaí ceisteanna eile, sonraí tábhachtacha faoin líon daoine a laghdaítear a ngníomhaíochtaí mar thoradh ar mhíchumas agus faoi iarmhairt an mhíchumais ar a saol.

Roghnaíodh na ceisteanna sin i ndiaidh roinnt cruinnithe le saineolaithe ó na scáthchomhlachtaí míchumais éagsúla agus ó ranna rialtais.

Rinneadh foirmiú na gceisteanna seo a cheapadh i dtosach báire sna Stáit Aontaithe agus folaíodh mar chuid dá gceistneoir le haghaidh Dhaonáireamh 2000 iad. Rinneadh na ceisteanna a phíolótú i dtástáil phíolótach Mheán Fómhair 1999 a rinneadh in Éirinn agus fuarthas amach go raibh siad torthúil.

Roinnt treoirlínte faoi cheisteanna 14 agus 15 a fhreagairt:

• Tá Ceist 14 le freagairt i gcás gach duine,
• Tá Ceisteanna 15(a) agus (b) le freagairt i gcás gach duine atá5 bliana d'aois agus os a chionn sin.
• Tá Ceisteanna 15(c) agus (d) le freagairt i gcás gach duine atá15 bliana d'aois agus os a chionn sin.

Ceist 16-18 Patrún chomaitéireachta

Leis na freagraí a fhaightear ar cheisteanna 16 go 18 in éineacht leis an seoladh ag a n'oibríonn daoine soláthrófar faisnéis luachmhar ar phatrúin chomaitéireachta chun bonneagar iompair phoiblí a phleanáil. Aithníonn gnáthchóir thaistil na modhanna difriúla iompair a úsáideann coimitéirí. Soláthróidh an t-am a fhágtar an baile faisnéis ar an méid taistil coimitéireachta de réir cineáil iompair ag tréimhsí ama difriúla le linn gnáthlae. Soláthróidh achar agus am taistil de ghnáth faisnéis ar éifeachtacht na modhanna difriúla iompair.

Roinnt treoirlínte faoi cheisteanna 16-18 a fhreagairt:

• I gcás go n-úsáidtear modhanna taistil difriúla ar laethanta difriúla, is ceart ansin an modh is minice a úsáidtear a lua.
• I gcás go mbíonn an t-am a fhágtar an baile difriúil ar laethanta difriúla, is ceart ansin an t-am is rialta a fhágtar an baile a lua.
• Is ceart do dhaoine nach bhfuil ag obair nó ag freastal ar scoil nó coláiste tic a chur le 'ní bhaineann le hábhar' i gcás ceisteanna 16 agus 17 agus ceist 18 a fhágáil bán.
• I gcás daoine a oibríonn ó phríomháras nó ionad seasta, luaigh an modh iompair agus achar a thaistealaítear ón áit chónaithe go dtí an príomháras nó ionad sin.
• I gcás daoine nach bhfuil áit rialta oibre acu ar nós ionadaithe díolacháin, oibrithe bóthair nó eile nach n-oibríonn ag príomháras nó ionad seasta, luaigh '0' míle agus '0' nóiméad le haghaidh cheist 18