Tá earcú chuig an bPríomh-Oifig Staidrimh (CSO) rialaithe ag an Acht um Bainistíocht na Seirbhíse Poiblí (Earcaíocht agus Ceapacháin) 2004 a bhunaigh an Coimisiún um Cheapacháin Seirbhíse Poiblí (CPSA) agus Poist Phoiblí. Tugann sé cumhacht do Ranna Rialtais agus do chomhlachtaí seirbhíse poiblí eile baill foirne a earcú go díreach faoi cheadúnas, agus tríd an gcóras earcaíochta láraithe a chuireann Poist Phoiblí ar fáil.
Tá próisis cheapacháin maidir le hearcú chuig gach post atá faoi shainchúram an Achta faoi réir Cóid Chleachtais arna bhfoilsiú ag an gCoimisiún. Leagtar amach sna Cóid seo an creat rialála do phróisis cheapacháin den sórt sin agus díríonn siad ar shé phrionsabal earcaíochta. Is iad sin:
Feidhmíonn Poist Phoiblí mar an comhlacht láraithe earcaíochta, measúnaithe agus roghnúcháin don Státseirbhís a bhfuil an Phríomh-Oifig Staidrimh mar chuid de. Fógraítear gach comórtas earcaíochta oscailte a reáchtálann Poist Phoiblí san fhearann poiblí. Reáchtálann Poist Phoiblí comórtais theoranta freisin thar ceann Ranna agus Oifigí na Státseirbhíse. Cuireann Poist Phoiblí iarrthóirí ar fáil do róil sa tSeirbhís Ghinearálta ó earcaíocht oscailte agus teoranta don Phríomh-Oifig Staidrimh.
Tá foráil ann freisin trína bhféadfadh Roinn nó Oifig Rialtais, faoi cheadúnas ón CPSA agus i gcomhréir le Cóid Chleachtais an Choimisiúin, a próiseas earcaíochta agus roghnúcháin féin a reáchtáil. Tá a ceadúnas earcaíochta féin ag an bPríomh-Oifig Staidrimh. Reáchtálann an Phríomh-Oifig Staidrimh comórtais faoin gceadúnas seo nuair is gá.
Cloíonn an Phríomh-Oifig Staidrimh (CSO) freisin leis an reachtaíocht fostaíochta ina cleachtais earcaíochta go léir agus is fostóir comhdheiseanna í. Tacaímid go dearfach le hiarrthóirí faoi mhíchumas agus cuirimid socruithe réasúnta ar fáil i bpróisis earcaíochta agus ardaithe céime araon. Tá an Phríomh-Oifig Staidrimh tiomanta do shocruithe réasúnta a chur ar fáil do bhaill foirne faoi mhíchumas agus tá oifigeach idirchaidrimh tiomnaithe do dhaoine faoi mhíchumas againn chun cúnamh agus tacaíocht a thabhairt do bhaill foirne faoi mhíchumas.
Déanfar athbhreithniú ar an bpolasaí seo de réir aon athruithe ar Chód Cleachtais an CPSA agus ar an reachtaíocht fostaíochta.