Cuideodh aiseolas uaitse linne lenár gcuid seirbhísí a fheabhsú agus a dhéanamh níos fearr don phobal. Inis dúinn faoi na nithe atá tábhachtach duitse inár Suirbhé maidir le Sástacht Custaiméirí ar líne [suirbhé i mBéarla].
Tiomsaíonn agus táirgeann an Phríomh-Oifig Staidrimh sonraí agus léargais chun acmhainní a chur ar fáil do gach gné den saol in Éirinn agus é a fheabhsú. Tá fostaithe ag an bPríomh-Oifig Staidrimh (CSO) atá lonnaithe in oifigí i gCorcaigh agus i mBaile Átha Cliath, agus lonnaithe ar fud na tíre mar chuid dár bhfoireann allamuigh. Cuirimid gairm thairbheach ar fáil dár lucht saothair in ionad oibre atá solúbtha, comhbhách agus cuimsitheach. Cuirimid cultúr rannpháirtíochta, nuálaíochta agus folláine foirne chun cinn. I measc na sochar atá ag baint leis an obair seo, tá obair sholúbtha agus chumaisc, clubanna spóirt agus sóisialta, forbairt agus oiliúint, chomh maith le sosanna gairme.
Cuirimid réimse leathan sochar ar fáil sa Phríomh-Oifig Staidrimh a oireann dár bhfostaithe go léir. I measc na sochar sin tá socruithe solúbtha oibre, gníomhaíochtaí forbartha gairmiúla agus pearsanta, tionscnaimh folláine, clubanna spóirt agus sóisialta agus go leor eile. Tá sé mar aidhm againn timpeallacht oibre thacúil agus sholúbtha a chothú, áit ar féidir lenár bhfostaithe cothromaíocht a aimsiú agus barr a gcumais a bhaint amach ag an am céanna.
"Cuirtear fíorchothromaíocht oibre is saoil ar fáil duit sa Phríomh-Oifig Staidrimh, cuirtear deiseanna fáis romhat agus níl a shárú le fáil ar an éagsúlacht oibre."
Jonathan, Oifigeach Feidhmiúcháin (Margaíocht, Dearadh Grafach & Imeachtaí)
“Cuireann an Phríomh-Oifig Staidrimh cultúr comhionannais, éagsúlachta, ionchuimsithe agus folláine chun cinn do gach ball foirne mar aon le go leor grúpaí inmheánacha d'imeachtaí sóisialta, gníomhaíochtaí spóirt agus aireachas.”
Michelle, Ardoifigeach Feidhmiúcháin (Acmhainní Daonna)
''Cuireann an Phríomh-Oifig Staidrimh go leor deiseanna ar fáil chun úinéireacht a ghlacadh ar thionscadail nua agus spreagúla. Cuireann sé spás ar fáil don nuálaíocht agus do smaointe úra agus tacaíonn sé leat uasoiliúint a dhéanamh i réimsí a théann chun tairbhe duit féin agus don eagraíocht.''
Labhaoise, Staitisteoir (Déimeagrafaíocht & Imeachtaí Saoil)
Bímid ag earcú go rialta le haghaidh Staitisteoirí/Anailísithe Sonraí, Agallóirí do Shuirbhéanna ar Líonta Tí agus dár gClár do Chéimithe.
Déanaimid earcaíocht go díreach ó am go chéile do shainróil i réimsí amhail Teicneolaíocht Faisnéise, Margaíocht, Acmhainní Daonna agus réimsí Corparáideacha eile. Is féidir leat féachaint ar na róil atá oscailte ar leathanach na bhFolúntas.
Maidir le gach ról eile, earcaímid trí Publicjobs.ie, Príomhláithreán Gréasáin Earcaíochta na hEarnála Poiblí in Éirinn.
Más duine thú a fhéachann ar an mórphictiúr i gcónaí, seo deis den scoth duit
Má tá tú go maith le daoine, tá deis iontach os do chomhair
Déan do chion féin i múnlú thodhchaí na hÉireann
Cuirimid a lán deiseanna ar fáil freisin ar fud speisialtóireachtaí éagsúla amhail Teicneolaíocht Faisnéise, Acmhainní Daonna agus go leor eile.
Seo cuid de na Gradaim atá againn agus táimid bródúil aird a tharraingt orthu.
