Cé go bhféadfadh an téarma ‘éiceachóras’ a bheith aisteach dúinn, tá cur amach againn uile ar choillearnach, ar loch, nó fiú ar pháirc chathrach. Is samplaí iad seo uile de chineálacha éagsúla éiceachórais. I dtéarmaí níos sainiúla, is féidir éiceachóras a shainiú mar choimpléasc dinimiciúil de phobail phlandaí, ainmhithe agus mhiocrorgánach agus a dtimpeallacht neamhbheo ag idirghníomhú mar aonad feidhmiúil (Coinbhinsiún na hÉagsúlachta Bitheolaíochta, Alt 2).
Ligeann na hidirghníomhaíochtaí idir speicis éagsúla, agus idir speicis agus a dtimpeallacht fhisiciúil, d’éiceachóras feidhmiú mar aonad chun earraí agus seirbhísí a tháirgeadh a bhféadfadh gníomhaíochtaí agus folláine an duine brath orthu. I gcás tailte portaigh mar shampla, is féidir go leor earraí agus seirbhísí éiceachórais a dhíorthú uathu. Go dtí le déanaí, baineadh móin chun fuinneamh a tháirgeadh i bhfoirm brícíní nó substráit gairneoireachta i bhfoirm múirín móin-bhunaithe¹. Maidir le seirbhísí, tá róil thábhachtacha ag tailte portaigh maidir le ceapadh carbóin, scagachán agus rialáil uisce, chomh maith leis an taitneamh agus an fholláine a fhaighimid ó bheith ag siúl i dtírdhreach portaigh¹.
Braitheann folláine an duine agus folláine eacnamaíoch ar éiceachórais agus ar na hearraí agus na seirbhísí a fhaightear uathu. Conas a bheadh an bheatha ann gan uisce agus aer glan? Braitheann an dá rud ar sheirbhísí éiceachórais chun iad a athnuachan, a rialáil agus a scagadh ar bhonn leanúnach. Ar an gcaoi chéanna, braithimid ar éiceachórais le haghaidh bia, .i. na héiceachórais féaraigh ar a mbíonn eallaí ag innilt nó na héiceachórais mhuirí as a fhaighimid éisc. Eascraíonn soláthar na n-earraí agus na seirbhísí seo as sraith próiseas bithfhisiciúla agus feidhmeanna éiceolaíocha a bhfuil a gcothabháil agus a gcothromaíocht ag brath ar éagsúlacht bhitheolaíoch (.i. bithéagsúlacht) an éiceachórais².
Tá roinnt brúnna ar éiceachórais lena n-áirítear athrú aeráide, aigéadú na n-aigéan, bloghadh gnáthóga, agus truailliú aeir. Tá caomhnú na bithéagsúlachta tábhachtach chun athléimneacht an éiceachórais a chinntiú, chun go mbeidh éiceachóras in ann na brúnna seo a sheasamh agus earraí agus seirbhísí a tháirgeadh i gcónaí. Cinntítear soláthar leanúnach earraí agus seirbhísí riachtanacha trí bheartais atá dírithe ar éiceachórais agus ar a mbithéagsúlacht a chosaint agus a chaomhnú. Teastaíonn faisnéis i dtrí réimse chun beartais chomhshaoil éifeachtacha a fhorbairt agus chun monatóireacht a dhéanamh ar a dtorthaí:
Chun dul i ngleic na riachtanais faisnéise seo, tá creat de Chuntasaíocht Éiceachórais forbartha.
An chéad chaibidil eile: Cuntasaíocht Éiceachórais
Learn about our data and confidentiality safeguards, and the steps we take to produce statistics that can be trusted by all.