Ó bunaíodh í mar ghníomhaireacht sonraithe náisiúnta staitistiúil sa bhliain 1949 tá an sainordú céanna ag an Phríomh-Oifig Staidrimh (CSO), a fuair an t-athfheidhmiú reachtúil seo a leanas san Acht Staidrimh, 1993:

"Faisnéis a bhaineann le gníomhaíochtaí agus dálaí eacnamaíocha, sóisialta agus ginearálta sa Stát a bhailiú, a thiomsú, a bhaint amach agus a scaipeadh chun críche staidrimh".

Tá sé freagrach freisin as staitisticí oifigiúla atá ag údaráis phoiblí eile a chomhordú agus as cumas staitistiúil na dtaifead riaracháin a fhorbairt.

Tá an Oifig ann go príomha chun riachtanais an Rialtais a chomhlíonadh maidir le faisnéis staitistiúil ar ardchaighdeán a bheith ar fáil mar ionchur riachtanach i mbeartas agus cláir a chur le chéile, a chur i bhfeidhm agus monatóireacht a dhéanamh orthu ag leibhéal náisiúnta, réigiúnach agus áitiúil i dtimpeallacht eacnamaíoch agus sóisialta atá ag athrú go sciobtha.

Comhlíonann sé freisin riachtanais an phobail níos leithne náisiúnta agus idirnáisiúnta (i.e. gnó, AE, eagraíochtaí idirnáisiúnta, na meáin, taighdeoirí, agus an pobal go ginearálta) d'fhaisnéis chuí agus neamhchlaonta maidir le dálaí sóisialta agus eacnamaíocha. Tugtar aird ar leith ar shain-riachtanais an phobail ghnó agus taighde/acadúil sonraí dírithe agus sonraithe a fháil.

Tá an sainordú seo cuimsithe sa Ráiteas Misin seo a leanas atá le fáil i bPlean Corparáideach na bPríomh-Oifig Staidrimh (CSO) 2008-2010:

Staitisticí d'Éirinn na linne seo

Faisnéis ardcháilíochta do shochaí athraitheach
a sholáthar go héifeachtach agus in am trátha